Ka chnong Ladrymbai Datsimpein da pynman ko yei jied waheh chnong ha ka 18 tarik uni u bnai deiwa thap Vote (Secret Ballot) heiwa da em san ngut kiwa da yaleh.
Yeini i jied waheh chnong da wan sakhi da u Dolloi ka Elaka Jowai, u Puramon Kynjing deilang ki kattu katni ki bru na ka yung krehkaam yong oo.
ADVERTISEMENT
Ki san ngut kiwa da yaleh yow man waheh chnong toh u Bita Max Siangshai, u Jambest Shylla, u Mohon Sana, u Therbor Rymbai wa u Ti Suchiang.
Na ki 379 ngut kiwa thap Vote, da jied ki ya u Ti Suchiang uwa da yoh 218 Vote yow tam ya waroh kiwi tawon ki kyrtong.
U Ti Suchiang toh uwa man u waheh chnong warim wa dang dep kut wot ka samoi krehkaam, wei u man biang u kam u waheh chnong sa le snem.
Discussion about this post