Ki yalehke 2nd Division wa Super Division ka Thadlaskein Sports Association da pteiñ ki ynne ka sngi da ar tylli ki yalehke 2nd Division wa kawi ka Super Division.
Ha ka yalehke wa nyngkong ka 2nd Division da kut ko da 2-2 hapyrdi ka Iawpynsin Wahiajer wa ka Iongshiwiat.
Ya ka Iawpynsin Wahiajer da thap da u Lumlang Nongpluh ha ka minit wa 54 wa u Marbait Nongpluh ha ka minit wa 69 katwa ya ka Iongshiwiat da thap da u Tur Pale ha ka minit wa 12 wa u Helpmi Dhar ha ka minit wa 37.
Ha ka yalehke wa ar, ka Maskut da jop ko ya Mukhla Wahshnong da 1-0 da ka kool wa thap u Elias Nongspung ha ka minit wa 32.
Ka yalehke Super Division da kut ko da 1-1 hapyrdi ka Pohskur Phyllong Iingkhaw wa ka Mookyndur. Ya ka Pohskur Phyllong Iingkhaw da thap da u Seibor Nongrum ha ka minit wa 55 katwa ya ka Mookyndur da thap da u Samehi Suting ha ka minit wa 61.
Ki yalehke ha ka 22 tarik man ki kamni:
2nd Division
Tympang SC Vrs Pdienlum (9AM)
Maya SC Vrs Mynkrem United (11AM)
Super Division
Wahiajer SC Vrs Mukhla Raij (1PM)
Heibor Iong I FC Vrs Nongkhroh Rim (3PM)
Discussion about this post