Jop ka Tympang ha ka 2nd Divison, ka Wahiajer wa ka Nongkhroh Rim ha ka Super Division ka TSA

Ki yalehke 2nd Division wa Super Division ka Thadlaskein Sports Association (TSA) da pteiñ ki ynne ka sngi da mar ar tylli.

Ha ka yalehke wa nyngkong ka 2^nd Division, ka Tympang SC da jop ko ya ka Pdienlum SC da 5-2. Ya ka Tympang da thap da u Shining Muktieh ha ka minit wa 13, u Dame Lakiang ha ka minit wa 28, u Willbert Suja ha ka minit wa 38, u Rimiki Phawa ha ka minti wa 46 wa u Rupaia Dkhar ha ka minit wa 48 katwa ya ka Pdienlum da thap da u Beb Suting ha ka minti wa 16 wa u Ebiang Shadap ha ka minit wa 42.

Ka yalehke wa ar da kut ko da 0-0 hapyrdi ka Maia Club wa Myngkrem SC.

Ha ka Super Division won ka Wahiajer SC da jop ko ya ka Mukhla Raij da 1-0 da ka kool wa thap u Niki Pakma lyngba ka Penalty ha ka minit wa 34.

Related posts

SPL: Pynsah naam ka Nangkiew Irat deiwa jop ya ka Mawlai

August 21, 2025

Jop ka Maskut ha ka 2nd Division khlem em wa jop ha ka Super Division ka TSA

August 21, 2025

Ha ka yalehke wa ar, ka Nongkhroh Rim da jop ko ya ka Heibor Iong I FC da 3-1. Ya ka Nongkhroh Rim da thap da u Wanme Dkhar ha ka minit wa 2 (Own Goal) wa u Rahbok Synnah ha ka minit wa 86 wa 90+3 katwa ya ka Heibor Iong I FC da thap da u Edwardson Shylla ha ka minti wa 33.

Ki yalehke mynstep man ki kamni:

2^nd Division

Thadmusem Vrs Nongkhroh Sohbar (9AM)

Tyllilang I Moobakhon Vrs Myntoilang I Bamkamar (11AM)

Super Division

Niriang Vrs Mookyndur (1PM)

Daw pynman leh ya ka Final ka Women’s Senior Football Tournament 2025 heipor 3PM hapyrdi ka Mukhla Raij wa Heibor Iong I ha Multi Sport Complex Wahiajer.