Ka seiñ wa thymme wa tip kam ka East Jaintia Hills Development Association (EJHDA) ha ka 20 tarik uni u bnai da sdang ya ka wei da wai paidbah ko leh ya ka yung krehkaam yong ka kawa em ha Khliehriat West ha ka yalang wa da pynman ha Community Hall ka Khliehriat West.
Ya ka yalang da pynlai da ka Philia Paslein wei yei kyntien pdiang burom da yoh na ka Wanisha Syih, President katwa yei klam chaphang ka EJHDA da yoh na ka Ngaitlang Chyrmang, General Secretary wei i sneiñ i kyntu da yoh na u Advisor, u Bary Kharmalki.
Da emlang ha kani ka sngi wa ka Extra Assistant Commissioner ka East Jaiñtia Hills, ka Erica D Shira kam ka kongsan kawa da wan heithaw u Deputy Commissioner ka District.
Da yoh leh i sneiñ i kroo na u Principal ka Jaintia Eastern College, u P. Nongtdu uwa da man kam u symbood kongsan ha kani ka sngi chirup ka R. Bareh, DSWO kawa da ong wa kam ka NGO hap u man kiwa pait jngai yei eh i khoo ka thaaiñ.
Da wan leh wow sakhi yeini da u waheh chnong ka Khliehriat West, u Justine Dkhar deilang ki lok ki jor wa kyrchaan na ki NGO waphær waphær.
Ka EJHDA da pyntip ko wa ha kini ki bnai wow wan daw pynman ko ya ki yalehbol ha u October, ka yakob chaad ha u December wei ha u 2026 daw sdang ya ka Crèche.
Discussion about this post