Ki san tylli ki Ayushman Arogya Mandir (AAM) kiwa krehkaam kam ki Sub-Health Centre (SHC) ha Meghalaya da yoh ki ya ka National Quality Assurance Standards (NQAS) Quality Certification, kawa man u moomær wa kongsan hei wow pynkhlan yei chakri ya ki paidbah ha i chait i khiah.
Yeini da pynskem deiwa e da ka National Health Systems Resource Centre (NHSRC), kawa da tipmit yei chakri wa bha hei chait i khiah kini ki san tylli ki thaw sumaar ha kylleiñ ki District yong ka West Jaiñtia Hills, North Garo Hills wa West Khasi Hills.
Kiwa da yoh ya i tipmit toh ka Saitsama AAM-SHC wa ka Mihmyntdu AAM-SHC na West Jaiñtia Hills, ka Raja A.pal AAM-SHC wa Narongkol AAM-SHC ha North Garo Hills wa ka Manai AAM-SHC ha West Khasi Hills.
Ha i jop wa kongsan kini ki san tylli ki thaw sumaar, da man ki leh ki AAM-SHC wa nyngkong dooh na Meghalaya wow yoh ya ka NQAS Quality Certification deiwa kheiñ ya ki 12 tylli ki jait e chakri (Packages of Services), kiwa da pyndep katkam ki kyndon wa da booh ha kylleiñ ka chnat.
Ki 12 tylli ki chakri kynthup ki ya ka Oral Health Care; Common Ophthalmic wa ENT, ya kiwa punkhon wei kha khon; i chait i khiah heipor khynnah wei heipor khynroo; ki dawai wow pait bniah; i sumaar kjut ya kiwa da noh i rta wei i chakri ha ki kaam wa jhan, i yahluti ya ki yung ki sem, i pait ya ki kjut wa poor, i chitom ha i bor pyrkhat wa kiwi.
Napyrdi ki san tylli ki thaw sumaar, ka Saitsama AAM-SHC da yoh ko ya ka Overall Assessment Score kawa heh tam iwa man 94.07%, bood won sa ka Mihmyntdu AAM-SHC kawa yoh 93.91%, ka Raja A.pal AAM-SHC 93.30%, ka Narongkol AAM-SHC 92.87% wa ka Manai AAM SHC kawa yoh 91.07%.
Ini i jop pynyoo i yei pyrchang ka chnat i chait i khiah wow pynmiat pynbha ya ki rukom sumaar wa i chakri ya ki paidbah ha kylleiñ ka jylla.
Ka Certificate da tipmit ko leh yei kreh chitom ki Multi-Purpose Health Worker (MLHP), ki Auxiliary Nurse Midwives (ANM) wa kiwi kiwi.
Discussion about this post