Ki District Council ye ki wow kyntait yei su tulop da ka sorkar, ymtoh iwa dei pynbor: Conrad

Ka dhab ki Montri sorkar namo ka Cabinet ynne ka sngi da mynjur ki wow thung le tylli ki Sub Committee ki wow lai ya syllok wa ki le tylli ki Autonomous District Council ka jylla hajrong i rai yong ka sorkar yow su noh da ka hi ya ka tulop cha kiwa kreh ki District Council.

Hawa klam hadien wa wai ka yalang ka Cabinet, u Montri Rangbah ka jylla, u Conrad K Sangma da ong u wa kini ki Sub Committee daw ya syllok ki wa ki Autonomous District Council deiwa e por 45 sngi, wei ini iwa da tyrwa ka sorkar ymtoh i wow hap bait u pynkrehkaam.

Da ong u wym em iwon iwon i pynbor ya ki District Council wow kohngooh yei rai yong ka sorkar, tangwa ki District Council laitlooid ki wow kyntait yeini wa da tyrwa ka sorkar.

U Conrad da ong chooh chooh u wa ini i tyrwa ka sorkar da wanrah leh wa kattu katni i pynkylla næ ki kyndon, wei itæ toh i pynkylla hawa yatoh wa i pynkhlan ya ka muna tangka hapoh ki ADC deiwa hap thung ya uwi u Principal Secretary uwa man u sahep sorkar wa em ya ka kyrdan MCS næ IAS, u wow pait ya ka poisa wa e da ka sorkar wei toh u lai bait ko cha ka tulop, kamjooh daw pait u ya ka Service Rules yow lait u em i thung kreh kulmar.

Related posts

Ya tyrrah le tylli ki Truck ha i jooh i thaw | Kat wym pu pynchna ya u NH-6 daw pteiñ ong kiwa chong chnong ka Rattacherra

January 9, 2026

Kular u heh spah ka India wow e palat 75% ka poisa u cha ka imlang sahlang hadien wa khlaad syndet u khon

January 9, 2026

U Montri Rangbah da klam che u wa ka sorkar ym tuklar ko iyi iyi leh heiyatoh wa i krehkaam ki District Council.