U Chairman ka Khasi Hills Autonomous District Council (KHADC), u Strongpillar Kharjana da kyntait u wow e laad u yatai hajrong ka Land Bill kawa da pynuiñ noh da u Lat ka jylla lyngba ka chnat District Council Affairs (DCA) ka sorkar jylla.
Ya kani ka mat da wanrah da u MDC ka UDP na Mairang hadien ka kynta kylli wei jubab, heiwa u Equator L Nongrang da kdaw u leh ya ka Rule hajrong i wanrah ya katai ka phang, heiwa da pynsñiaw u wa kwah u yei pynche hajrong ka yurim wym e laad wow yatai.
I wym e laad u Chairman wow yatai ya katai ka phang toh neidaw wa ini waroh da mih ko du ha ki khubor wei ym em i pyntip cha ka yung krehkaam ka KHADC.
Hawa pynsñiaw yei sñiawkhia hajrong i wym e laad u yatai u Chairman, uwa yahkhmat ka Liang Pyrchah, u Titosstarwell Chyne da ong u wa toh i kaamram yong ki MDC wow rah ya ki mat yatai, wei lada da tip ki mo ym em hajrong ini katkam wa da mih khubor wei toh u jubab yeini hapoh yung dorbar, tangwa sñiawsih wa u Chairman ym em e laad u wow yaklam.
Da ong u wa ki MDC kwah ki wow tip kammon wa da boh wei kiyi ki daw u Lat da e u hawa pynuiñ ya ka Bill, wei lada toh ki jooh ki duna wa da pynsñiaw da ki MDC ka Liang Pyrshah hachwa wow mynjur ya ka Bill.
Kam wow kdaw heini wa u Symbood Montri Rangbah uwa pait ya ka District Council Affairs, u Prestone Tynsong ha ka ka tayaaw wa dadep da pyntikna u wa ya ka Land Bill wa da mynjur da ka Khasi Hills Autonomous District Council (KHADC) dadep wow pynuiñ biang ryngkat ki daw yow chong bichaar biang ka.
Discussion about this post