U Montri Rangbah ka jylla, u Conrad K Sangma ynnin da yachem u wa ki Nokma ka Garo Hills kiwa da yahkhmat da u President ka GSU, u Tengsak Momin.
U Conrad hawa e yei klam da e khublei u yeiwa wan kini kiwa yahkhmat ya ka imlang sahlang yow yaklam heiyatoh wa i eh i khor ka GHADC.
Da ong u wa ka GHADC toh kawa da chitom poisa bha wei lada ym leh iyi iyi daw wan kiwi ki kaam wa rap khor chooh chooh.
“I yoh dan ka GHADC ha uni u snem man ko du kamwa Rs. 25 klur donhi tangwa yow su ya ka tulop da emkaam kamwa Rs.70 klur chi snem wei hajrong ini ka sorkar da wan ki wow yarap yow pynkylla ya ki kaam poisa poilaiñ ha GHADC,” da ong u.
Da ban joor u leh wa ka sorkar ym em bor ko wow pynlai ya ka GHADC tangwa iwa kwah donhi toh yow su ya ka tulop kiwa kreh ka GHADC nadooh ka 1 tarik u Khonchonglad (Nov) 2025 yow pynlait yeini wa chem chitom kiwa kreh yow skem ka Council.
Da batai bniah u leh yeiwa daw pynkylla kam ka Service Rule ki Council, i rukom thung kreh wa kiwi de.
Discussion about this post