U Prime Minister ka ri, u Narendra Modi ynne da yachem u wa u President ka China, u Xi Jinping heiwa da ong u wa kwah u wow pynkhlan yei yatoh ki ar ri.
Kam chibynta ka Shanghai Cooperation Organisation (SCO) Summit ha Tianjin, u Modi da ong u wa da ye u wanrah yei chongsuk hapyrdi u pood ki ar ri.
U Modi da e khublei u leh ya u Jinping wa da pdiang burom u oo heiwa ha u Naichiphaw 2024 da yachem khaddooh ki ha Kazan, Russia kam chibynta ka BRICS Summit.
Chooh chooh u Modi da klam u leh hajrong wow sdang biang ya ka Kailash Mansarovar Yatra wa ki lieñsuiñ hapyrdi ki ar ri.
U Modi da ong u leh wa ka mynried ki 2.8 Billion ngut ki bru chong ko ha ki ar ri wei daw ye u wanrah yei bha i miat ki bru ka pyrthai.
U Jinping da ong u wa man iwa emkaam bha ya ka India wa ka China u ya maya lok wei u bhalang ki kam kiwa yajan ki ri.
Discussion about this post