Ka White House ka USA da bichaar ko yei kaam tynyap bru ha Chicago wa ha New Delhi kam chibynta wow kyrchaan ya u President Donald Trump wow chimkti ka Federal Government (sorkar pyrdi) ya ka sorbah wa chah ktah ha ki kaam pyrchah aiñ.
Kawa e ktien ka sorkar u Trump, ka Karoline Leavitt da ong ko wa ha u 2014 i chah tynyap ki bru ha Chicago man i 15 chah bar ya ka Delhi.
Ha Chicago da em 25.5 ngut kiwa chah tynyap ha man na ki 100,000 ngut katwa ha Delhi won du 1.48.
Ha uni u snem ka White House da pynlait ko ya ka yukheiñ namo ka Chart wa bichaar ya ki 11 tylli ki nongbah ka ri US chwa wow phah ya ki National Guard ha Washington.
Ha kani ka yukheiñ ka Delhi dapoi ko heiwa 9, katwa ka London wa Madrid toh kiwa duna bha tangwa ka Washington man ko kawa ha khlieh dooh wa em 27.64 tylli ki kaam tynyap ha man ki 100,000 ngut kiwa chong chnong.
Ka nongbah ka Pakistan, ka Islamabad da poi ko heiwa soo wa em 9.2 ngut wa chah tynyap ha man ki 100,000 ngut.
Discussion about this post