Da ka Case u e ya kitu ki bru wa chim kabu u e License ya kiwa kreh mylla wa wan na baar: Shakliar

U Montri wa pait ya ka chnat Labour ka jylla, u Shakliar Warjri da maham u deiwa eh ya ki bru kiwa e License khlem aiñ ya ki baar jylla kiwa wan kreh mylla hapoh Meghalaya.

Da khana u wa hadien wa da yoh khubor nei lai kynreh ki seiñbhalang we em ki bru kiwa jooh e License næ e bor ya ki baar jylla wow kreh mylla ha kani ka jylla, kamtæ da khut u ya ka yalang wa ki sahep ka chnat wei da pyntip ki wa ka chnat ym em e License ko ya kiwon kiwon leh, wei ka chnat da suba ko wa em ki bru kiwa chim kabu deiwa e License cha ki baar jylla.

Related posts

Dawa ka seiñ JRC wow pynyoh smat ya u LGD Code ka chnong Mowluber yow yoh ko yei myntoi kamwa toh u yoh

October 29, 2025

Pynbna ka DSC ka East Jaiñtia Hills yei lait kreh Grade-III

October 29, 2025

U Montri da khana u leh wa da phah ya ki sahep ka chnat wow ujor da ka mukotduma pyrchah ya kitu ki bru kiwa leh pyrchah aiñ, wei toh u kem ki deiwa pynrap wa ka chnat ym kheiñstiñ ko yei chngaaiñ yong ka jylla.

Heijooh i por u Shakliar da ong u leh wa ha ki kajiak bnai wa dadep da phah ya ki Labour Inspector wow lai pait ya ki thaw wa em kiwa wan kreh mylla na baar jylla.