Ka State Disaster Response Force (SDRF) deiwa ya krehlang chirup wa ka Search & Rescue Team (SRT) ka Fire & Emergency Services (F&ES) ynne da chem ki yei metyap uwi u khynnah khynroo uwa da chah rah ha ka wah Weiniangriang wa em ha chnong Mawtap, Sohiong, East Khasi Hills District.
Ya ka SDRF da phah wow lai thooh ya uni uwa wiar da ka District Disaster Management Authority (DDMA) East Khasi Hills ynne i step wei yei metyap da chem hei janmiet wei da e kti cha ki pulit.
Uni u khynnah khynroo toh uwa em 16 snem i rta wei i pyrtuid u toh u Dameshwa Thabah heiwa da chah rah u ha ka um ha ka 31 tarik u Naisaphra.
Katkam ka khubor wa da yoh, u Dameshwa da lai yalehbol u wa ki lok u ha ka madan ka skur hadien wa duna u slap wei da rahlang u wa ka bol wa da yoh u kam chibynta ka sngikha u ha ka 28 tarik u Naisaphra wei heipor wa yalehke ki da haap ka um cha kani ka wah wei heipor wa lai thooh u ya kani ka bol da chah rah u ha ka um wa khlanbor.
Neiliang ki lok u da pyrchang ki wow yarap ya oo tangwa ym ye ki neidaw wa joor khlan ka um.
Discussion about this post