Beiñ joor u heh ka seiñ niam Muslim yei leh ka sorkar Assam

U President ka Jamiat Ulema-i-Hind kawa man ka seiñ niam Muslim wa heh dooh ha ka ri, u Mahmood Madani da beiñ joor u ya ka sorkar Assam hajrong i khyndang yung deiwa kyntu ya ka sorkar wow pynbiang salan ya ki thaw sah. 

Hawa klam wa kiwa pathai khubor ha Guwahati hadien wa wan na ki thaw wa chah khyndang, u Madani da ong u wa kjutnood u yoo yei rukom chah kyndang ki yung. 

Da ong u wa i chah khyndang jia i ha kiwa boon ki thaw tangwa i rukom leh heini toh iwa pynsñiawsih bha.

Chooh chooh da ong u wa i kwah bor deiwa mang ya kawi donhi ka jaitbru man i i wym ye u pdiang wei i beh ya ki bru bar wow khyndang ya ki yung ki sem yong ki man iwa kjutnood bha.

Related posts

Tooh ki damok ya ki sah chkoor ksiar ka bru wa 82 snem kawa chong hang sngi ha lait yung

November 7, 2026

Yap noh ki le ngut nei iñ wei pdung ka thaw booh phñiang ka Oil India Limited ha Assam

November 7, 2026

U Madani da pynche u wa ym em pyrchah ka seiñ u hawa pynuiñ ya ki bru na baar ri deiwa bood ya ki kyndon aiñ tangwa ki bru hi na India ymtoh u chah lehbeiñ ki wei emkaam u e salan ya ki da kiwi ki thaw.

Heijooh i por da kdaw u wa ka Supreme Court da jooh ong ko wa hawa khyndang ya ki bru emkaam u e salan ya ki da kiwi ki thaw kamtæ da dawa u na ka sorkar Assam wow pynbiang ya ki thaw sah ya ki nong India wei wow phah pynuiñ ya kiwa wan na baar ri.