Kam chibynta wow pynmim biang ya ki thaw wa da sah chrah nei thih mooyong yow pynman ki kam ki khloo wa yirngam, da sdang ya ka Miyawaki Afforestation Project wa da pynkrehkaam da ka yung krehkaam u Divisional Soil & Water Conservation Officer, East Jaintia Hills Division ha Narwan (Kmai Prut) wa da leh deiwa yoh poisa na ka District Mineral Foundation (DMF) Fund wei da wan wai ka ynne ka sngi da ka Santa Mary Shylla deiwa emlang u Deputy Commissioner ka District, u Shivansh Awasthi, u Sub-Divisional Officer, (Sadar), East Jaintia Hills District, u Manish Kumar, u Block Development Officer (BDO), Saipung C&RD Block, u Dr. R. Pyrtuh, u Divisional Soil & Water Conservation Officer, East Jaintia Hills (S&WC), Division, u F. Syiemiong, ka Assistant Soil & Water Conservation Officer, ka R. Laloo, u waheh chnong ka Narwan, u Lamsuk Langstang wa kiwi kiwi de.
Ka MLA hawa e yei klam da ong ko wa i tih mooyong da pynyoh khih ko ya kiwa boon tangwa da ka ktah ko leh ya ka ramaw kamtæ emkaam wow em i ka roi ka paar kamjooh leh wow yada ya ki soodong sookun.
U DC da pyntip u wa da booh thong wow mih ka khloo wa rben hapoh 3-4 snem.
Ini i thaw wow thung dieñ toh iwa heh 3 Hectare wei daw pynlut Rs.16.50 lak lyngba ka District Mineral Foundation (DMF), East Jaiñtia Hills District.
Ini i rukom thung dieñ wa tip kam ka Miyawaki Afforestation Method, toh iwa da sdang da u Japanese Botanist wa tip kam u Akira Miyawaki deiwa thung ki dieñ marjan yow smat u heh wei rap duna i hap sumaar ki.
Discussion about this post