Pynman ka Betterlife SHG yei e sikai chet wa ar sngi ha Jowai

Ka Betterlife SHG Society da pynman ko ya ka e sikai (Training) neibynta ki khynroo khyllood na kylleiñ ka ri Jaiñtia chaphang kammon wow tip u chet ya ki baam Chinese kam ki momo ki chow wa kiwi de kiwa da pynman ha ka 3 wa 4 tarik uni u bnai.

Ha ka sngi wai da em ka yalang wa pynlai da u Secretary ka SHG, u Raj Passah deiwa emlang kam u kongsan da u Ajoy K. Lywait, uwa man leh u waheh chnong ka Iawmusiang, Jowai deilang ki Executive Member ka chnong heiwa da pyntip wa kani ka SHG toh kawa da leh chiboon ki kaam yow e sikai yow kyntu kynrong ya ki khynroo khyllood yow ye ki u yieñ hei kjat yong ki hi.

Neiliang u kongsan da e u ki kyntien e mynsien wei kammon u lai luti nadooh dang khian hadooh wa khynroo deiwa ong leh wa kam u waheh da jooh emlang u wa ki ha kiwa boon ki rukom.

Ya ki kyntien e khublei da yoh na u Asst. Secretary, u Iatha Lywait uwa da kitbok kitrwiang ya kiwa chah sikai.

Related posts

Na ki 8 ngut wa mynsoo ha Thangskoo kiwa chah sumaar ha NEIGRIHMS em kiwa em hapoh CCU wa ICU

February 7, 2026

Pynlait paidbah ka Frank Motors ya ka Tata Sierra 2.0 yow pynim biang ya kani ka kari wa bna naam  

February 7, 2026