Ka District Institute of Education (DIET) Thadlaskein, West Jaiñtia Hills da pynman ko ya ka lehkmen Silver Jubilee yow kynmoo burom ya u moomær wa 25 snem i e chakri wow hikai pynpliah ya kiwa sikai heiwa da wan wow embyntalang da ka R.S Manners, Director, Educational Research and Training, Meghalaya kam ka kongsan, u P. Lhuid, Executive Engineer PWD Building kam u symbood kongsan chirup ka Dr. B. Danibha Pyrbot, Principal ka DIET, kiwa sikai kamjooh kiwa dang lai puræ wa kiwa dadep puræ.
Ka kongsan hawa e yei klam da e khublei ko ya ka DIET yeiwa ye ko u pyndep ya ki 25 snem deiwa kreh chitom wow pynwandur ya kiwa sikai skur deiwa pynkynmoo leh wa kani nachwa da sdang ka kam ka BTC tangwa da ku ko cha ka DIET, wei da em ka thong wow pynman kam ka Centre of Excellence yow yarap chooh chooh ko ya ka thaaiñ.
Da pynchlur ko leh ya kiwa lai puræ wow pynemkaam hok yeini wa da yoh ki neibhah da chah jied ki na kiwa boon.
Neiliang ka Principal da kynmoo ko yei lai luti ka DIET heiwa da em da ki hajar ngut kiwa dadep chah sikai wei i jop wan ko nei kreh chitom kiwa e sikai heini chirup kiwa kreh.
Ha kani ka lehkmen da yoh leh yei rwai i chaad wei i pynkup burom ya kiwa poi chakhmat yong ka Batch 2023-25.
Ya kani ka DIET da sdang ha u Naikhynde 2000 yow e sikai kiwa yatoh wa ka Elementary and Adult Education yow pynkhlan ya ki kaam puræ puthi.
Discussion about this post