Ka Bharatiya Janata Party (BJP) da ujor FIR ko ha ka Delhi Police hadien wa mih iwi i Deepfake Video wa da chna deiwa pynemkaam AI heiwa da dai sarom ya u Prime Minister Narendra Modi deilang wa ka bei u kawa da khlaad noh, ka Heeraben Modi.
Katkam ka FIR da ong wa ya ini da booh da ka INC Bihar ha ka rynsan Social Media X heiwa da pynyoo wa yimphoo u Modi ya ka bei u kawa da klam chrai wei tim ka oo heiyatoh wa ki kaam Politics ha Bihar hadooh wa khyrngiat wei ini toh iwa daw yahbakla ya ki paidbah.
Ka FIR da ong wa ini ym du wow kynthah yei man i long samen u PM tangwa wot ya ki manbei khamtam wa ka bei u toh ka wym em de.
Da ong leh wa i yatoh hapyrdi ka bei wa u khon toh kawa man kyntang bha hei rukom im ki bru hapoh ka ri.
Da pynkynmoo leh wa heipor wa pynman ya ka Voter Adhikar Yatra ha Bihar ha ka 27 wa 28 tarik u Naisphra, 2025, kiwa kyrchaan ka Congress wa RJD da klam ki da ki ktien wa khlem-akor pyrchah ya u Prime Minister wa ka bei u.
Discussion about this post