Kawi ka manyung ha chnong Sohmynting, West Jaiñtia Hills District da maad ko yei jia wa sñiawsih ynnin ka 14 tarik na i kop diñ syndet i yung wa da suba wa ye u toh nei thut ka bordiñ iwa da jia heipor kamwa 2:30 haroh i sngi.
Ha ini i jia, i diñ wa joor da yoh i u baam lut ya waroh ki tiar wa em ha kani ka yung hadooh wow kylla tpai.
Ka khubor wa da yoh da ong wa kani ka yung toh i yong ka Sbuh Pyrtuh wei heipor wa jia da em du u kurim ko samen ha yung, heiwa oo leh mar ya sñiaw wa chit syndet hapoh yung da mih u wut-wut cha lait.
Kiwa sah marjan khana ki wa kat wow yoo ki, i thylliej diñ da kyrooh bha wei ym ye de ki u leh iyi iyi.
Heipor wa ki bru tia ki chajan kani ka yung neibynta u pyrchang thooh laad u tympleh, da pdung syndet ar tylli ki kum Gas, kamtæ ki paidbah hei khyrngiat da ya yut jngai ki, wei embhah leh ym em iwon iwon i jia wa sñiawsih næ mynsoo bru nei pdung ki kum Gas neibhah da sied ki ha ki thaw wym em bru.
Ha kani ka sngi neiliang ka kari tympleh diñ Fire & Emergency Service leh da wan poi ko, tangwa ym chem de ki neibhah wa da joor smat poor i diñ.
Ha kani hi ka jooh ka sngi neiliang ki bor sorkar napoh ka Thadlaskeiñ C&RD Block leh da wan hiar sakhi ki ya kani ka manyung wa maad yei jia wa sñiawsih.
Discussion about this post