Chah ksoh u baar jylla uwa pynemkaam da u Gpay yow thok poisa manda su

Kiwa chong chnong kawi ka chnong ha Shillong da yoh ki wow ksoh ya uwi u khynroo baar jylla uwa thok bru deiwa su poisa lyngba ka Gpay.

Katkam wa khana kiwa ksoh ya uni u bru da ong wa i pyrtuid u toh u Varun Sharma wei uwa sah ha RR Colony, Rynjah.

Ya uni u baar jylla da ksoh da ki kattu katni ki bru kiwa chongdai wei katkam ka Video wa da poor bha, da pynyoo ki wa ha ka Phone u da em u ya u Gpay wa da chna thok uwa man thij kam u yong sakhiat wei hadien wa Scan ya u QR Code wei manda phah poisa, da pynyoo ha kani ka App wa ka poisa da lai ko cha ki bru tangwa ka poisa won ym em poi ko.

Chooh chooh da pynyoo leh wa chwa u su manda thap ya u UPI PIN ye u khnioñ ya uwon uwon u Number leh lai bait heiwa da mih ka Screen wa pynyoo wa da lai ka poisa tangwa manda pait won ha ka Phone ki bru wa toh u poi ka poisa, ym em poi ko.

Related posts

Phah u Conrad wow pynman ya ka takit wa bniah yeiwa jia ya ka khynnah wa dang soo snem

September 15, 2025

U chah pynuiñ 5 ngut kiwa na Bangladesh wa puræ ha NIT Silchar hadien wa yachoh deiwa muaid drugs

September 15, 2025