Ka sorkar Meghalaya Democratic Alliance (MDA-II) da ye ko wow kylliang noh ya ki Montri sorkar mynstep ka sngi wei katkam ka tyllong khubor ki Montri wa daw chah pyndooh chuki da em ki hadooh 8 ngut.
Katkam ka tyllong khubor wa da yoh da pyntip wa najrong ki Montri wa daw ye u chah chah pyndam kynthup ya ki MLA ka BJP, u AL Hek wa daw chim noh da u Sanbor Shullai, u Shakliar Warjri wa daw yoh noh da u Methodius Dkhar kiwa man ki MLA ka HSPDP.
Kiwi de kiwa daw chah pyndooh chuki toh ka Montri ka chnat i chait i khiah, ka Ampareen Lyngdoh, u Montri wa pait ya ka chant Excise, u Kyrmen Shylla, u Montri ka chnat Food & Civil Supplies, u Comingone Ymbon, u Montri ka chnat bordiñ, u AT Mondal, u Montri ka chnat puræ puthi, u Rakkam A Sangma wei da yoh leh ka khubor wa u Montri ka chnat Tourism, u Paul Lyngdoh leh daw chah pyndooh chuki u.
Ka tyllong khubor da ong ko leh wa ki MLA wow yoh u chmkti kam ki Montri kynthup ki ya u MLA ka Jirang, u Sosthenes Sohtun, u MLA ka Jowai, u Wailadmiki Shylla, u MLA ka Mairang uwa man kam u Speaker warim, u Metbah Lyngdoh, u MLA ka Amlarem, u Lahkmen Rymbui, u MLA ka Resubelapra uwa man kam u Deputy Speaker warim, u Timothy D Shira wa u MLA ka Dalu, u Brening A Sangma.
Ka tyllong khubor wa da yoh da ong wa i pynsmai ya ki Montri thymme ha ka Sorkar MDA-II daw man ko heipor janmiet, tangwa hadooh kattæ ym pu tip ya ki chnat wow ksoh ki kamjooh ki chnat wa u Montri Rangbah, Conrad K Sangma da pynkup u ha ki.
Discussion about this post