Phylla ka HC wym ye u phah hajir ya ki MP ki MLA hadooh wa sahkut ki Case pyrchah ya ki

Ka Bombay High Court ynnin ka sngi da phah ko ya ka sorkar Maharashtra wow e ya ka bui namo ko Status Report hajrong ki 467 tylli ki mukotduma (Case) pyrchah ya ki MP wa MLA na ka jylla kamjooh na Goa, Daman wa Silvassa wa weileh wa slem wow e rai hajrong yong ki.

Ynnin ka miej bichaar u Chief Justice u Shree Chandrashekhar wa u Justice NJ Jamadar da ong wym sñiawhun ya i man i long ka bui wa da e hajrong kini ki mukotduma.

Ka High Court da kdaw ko wa em 467 tylli ki mukotduma wa sahkut pyrchah ya kiwa mihkhmat paidbah na Maharashtra heiwa ha ka bui ym em klam ki ha katwon ki District ka jylla wa sah kini ki mukotduma.

Da kylli ka HC leh katwon ngut ki Additional Public Prosecutor wa em ha ki Court ki District? Da ong ko leh wa ka Opening Balance man ko 467 tylli ki Case tangwa ha katwon tylli ki District. Deiwa pynrap wa emkaam u khana che yei man i long yong kini ki Case chirup wa ki sakhi wei katwon ngut kiwa da yut.

Neiliang u Public Prosecutor, u Mankunwar Deshmukh da ong u wa boon na kini ki Case sah ki neibhah wym pu ye u phah ya ki hajir (Summon).

Tangwa ka HC da kyntait ko yeini deiwa ong wa ki MP wa ki MLA toh ki bru paidbah wei man i wym ye u pdiang wa ka sorkar ymtip ko yei thaw sah ki.

Ka HC da phah ko leh ya u Public Prosecutor wow e Report wa bniah din pa din nadooh ki sakhi, ki sakhi wa da bichaar, ki kyrdan wa em ki Case, iyi wa da leh wow phah hajir ya kiwa da chah pynbaad wa kiwi kiwi. 

Related posts

Daw pynman yalang paidbah ka JTTA heiyatoh wa ka lawmusiang Shopping Complex

June 13, 2026

Hadooh wa poi chei yap chah dat uwi ha Mookyndur

June 13, 2026

Da e por ko leh soo tayaaw wow leh yeini.

Kam wow kdaw heini, ha u 2021 ka Supreme Court da phah ko ya waroh ki High Court ka ri wow puræ bniah ya ki mukotduma wa pyrchah ya ki MLA wa MP wei wow pyntikna wow bichaar pyndep noh ya ki.