Hapoh ar tayaaw u thooh bniah yei chait i khiah ki kynthai hapoh ka SNSPA

Ha ka thong wow pynyoh i chait i khiah ya ki kynthai, ki manbei; ha ka 17 tarik da sdang ya ka Swasth Nari, Sashakt Parivar Abhiyaan Campaign hapoh ka District West Jaiñtia Hills, kawa man leh ka Campaign wa da pynkrehkaam ha waroh kawi ka ri.

Kani ka Swasth Nari, Sashakt Parivar Abhiyaan mut ko wa hawa chait khiah ka kynthai ka manyung leh man ko kawa khlan.

Kamtæ hadooh ka 2 tarik u October, 2025 ki thaw e sumaar paidbah nadooh kiwa khian hadooh kiwa heh u e ki yei chakri deiwa lai thooh bniah yei chait i khiah ki kynthai kamjooh u pynman ya ki Health Camp ha ki thaw waphær waphær khnang yow chem ya iwon iwon i kjut chitom heipor wa biang.

Ya kani ka Campaign ha West Jaiñtia Hills District da wai paidbah da u Montri ka chnat Health and Family Welfare u Wailadmiki Shylla ha ka yalang wa da pynman ha 100 Bedded MCH Hospital, Panaliar, Jowai wa da pynlai da ka yung krehkaam ka District Medical & Health Officer, Jowai.

Related posts

Kamwa chah pynchitom uwa yaleh RTI ha wym yoh jubab wei ym yoh u yachem ya u DC wa u PIO 

September 18, 2025

Nei tieñ ksaw ku u masi cha tnoom yung

September 18, 2025

Hawa klam, u Wailadmiki da pynkynmoo u wa ka jylla Meghalaya toh kawa da kheiñ burom chwa ya ki kynthai nadooh ki por yongrim, heiwa i pynkupbor kynthup kam i e jait, i yoh pateiñ ya ki thaw ki bhaw lai ko cha ki kynthai.

Kamtæ kyntu u ya ki kynthai wow li mih ki cha ki thaw sumaar wa jan tam yong ki hapyrdi kini ki tarik wa pynman ya kani ka Campaign khnang yow yoh phah pait bniah ki yei chait i khiah dei mynkna wei u yoh mynkna ki leh ya ki dawai dachin, ki baam wa tei wa kiwi.

U Wailadmiki da pynkynmoo haroh u heiyatoh wa i chongkha khynnah, iwa ye u ktah yei chait i khiah kamjooh wanrah ko i eh i khoo ha ka yung ka sem, deiwa kyntu leh wow yang hadooh wa toh por neibynta i chait i khiah.

ka Vevotolu Kezo, SDO Sardar WJH kam ka symbood kongsan da pynsñiaw ko heiyatoh ka kynthai kawa chait wa khiah, deiwa ong lada chait khiah ka kynthai  wanrah ko leh yei skem i embor ka yung ka sem wa kamjooh ka imlang sahlang.

Da ong ko leh wa i yada kamjooh i phah pait bniah heipor wa biang man kawa emkaam tam.

Kiwi wa e i klam toh ka Dr. Helen J Uriah, District Maternal & Child health Officer, ka Dr. P. Shylla, District Medical & Health Officer, ka Dr. M. Syngkon, Additional DMHO wa ka Dr. S. Suja, District Nodal Officer NVHCP.