I chah pyndik ki Pnar na ka chnong Lapangap dang pteiñ i hadooh ynne ka sngi heiwa heipor kamwa 12:00 waje ki warep na Lapangap da chah siat watur ki ha ki Karbi heipor wa ah ya u kba.
Ka khubor wa tikna da ong wa heipor kamwa 10:00 waje i step ki warep wa em kamwa 30 ngut na Lapangap da lai ah ki ya u kba loom uwa da ih ha pynthor.
Hadien kattu katni por heipor kamwa 12:00 waje i sngi da sdang wan mih ki Karbi kiwa da pyntieñ wei da siat ki watur ki cha kini ki warep.
Neiliang ka bor chnong da pyntip ki ya ki pulit ka jylla Meghalaya kiwa da em ha Lapangap kiwa da wan wow e yada tangwa kat dang lai i por ki Karbi leh dang boon ki kiwa da tia cha ki thaw rep ki paidbah ka Lapangap.
Hadien kattu katni por won da mih ki pulit ka Assam kiwa da beh ya ki Karbi wei heipor wa kyrpaad ya ki wow chah u ah ya u kba da ong ki pulit ka Assam wow sangeh chwa u ah kba ynne ka sngi.
Discussion about this post