Hadien wa yap syndet uwa rwai wei thoh sur wa pawnaam ka Assam, u Zubeen Garg ha Singapore, da em chiboon ngut kiwa da ujor FIR pyrchah ya u Syamkanu Mahanta uwa man u Chief Organiser ka North East India Festival wa u Sidharth Sarma uwa man u Manager u Zubeen.
Ya ki FIR da ujor ha kiwa boon ki Police Station ka Assam, wei da phah ya ka Criminal Investigation Department (CID) wow takit yeini i yap u Zubeen.
U Chief Minister ka Assam, u Himanta Biswa Sarma da ong u wa em boon tylli ki FIR wa da ujor pyrchah ya u Syamkanu Mahanta wa u Sidharth Sarma heiyatoh wa i yap syndet u Zubeen Garg.
U Himanta da ong u leh wa da phah ya u DGP ka Assam Police wow phah ya ki FIR cha ka CID wow takit bniah ya ini iwa jia.
Chooh chooh da ong u wa ka FIR hanla ujor leh ha Morigaon Police Station pyrchah ya u Shyamkanu Mahanta wa Siddharth Sharma, ki pulit daw takit ki ya ki kamjooh ki bru kiwa em heipor wa jia i yap u Zubeen ha Singapore.
U Himanta da ong u leh wa i thaw wa jia toh ha Singapore wei ki pulit katai ka ri da sdang ki yei takit wei ki pulit leh daw takit ki deiwa phah hajir ya kiwa em ha itai i thaw kiwa na Assam.
Neiliang ka sorkar Assam da phah pynman ko ya ki le sngi kam ki sngi yaam bru wei ki paidbah leh da phah khang ki ya ki dukan kamjooh ki skur wa wai wei pynman Exam.
Discussion about this post