I chimbynta ha ka yakob khwe dakha wa da pynman da ka Ri Jaintia Pond Owner’s & Fishing Organisation ha ka nan u Edwin Lyngdoh wa em ha Thadmuthlong-A, West Jaiñtia Hills District dapoi ko chei e FIR yow dawa pyndam ya kani ka Fishing Competition hadien wa chah kyntait ka dakha wa yoh khwe uwi uwa chimbynta.
Uni uwa chimbynta wei uwa e FIR toh uwa tip kam u Binit Suchiang uwa na Shangpung wei da pyntip u wa ha ka 20 tarik uni u bnai da lai chimbynta u ha kani ka yakob khwe deiwa sdang khwe heipor 9:30 wei heipor kamwa 10:00 waje i step da yoh u taan ya kawi ka dakha kawa khia 4.954 Kg wei da yoo leh yeini da kiwi kiwa da yarap wow tong ya kani ka dakha.
Hadien ini da lai phah thaw khia u ya kani ka dakha tangwa hadien kamwa chi kynta neiliang kiwa pynman ya kani ka yakob khwe da kyntait ki ya kani ka dakha wei da wan ki leh wow kylli ya kiwa chong hajan yong oo lada toh sakhiat wa khwe u ya kani ka dakha kiwa da ong wa toh hi wa khwe u ka.
Neiliang kiwa pynman ya kani ka yakob khwe won da lai yah ki oo cha Pharamer Traffic Cell, kamtæ neiliang u Binit da e noh u da ka FIR pyrchah ya kini kiwa pynman ya kani ka Fishing Competition yow pynsangeh ka wei wow dam leh u saam ya ki Prize neibhah ka dakha wa yoh u toh u man ko kam ka 1st Prize kawa Rs.10 lak wei lada ym su ki daw lai u da kawi won ka luti yow yoh yei hok yong oo.
Da pyntip leh wa ka bai Ticket kani ka yakob khwe man ko Rs. 2500.
Discussion about this post