Ka Ravi Laxmi Chitrakar kawa man ka kurim u Prime Minister warim ka Nepal, u Jhalanath Khanal da kit ya ka cha India hadien wa mynsoo joor ko nei chah thang i yung wa sah ko ha i yakhih ki ‘Gen Z’ ha ka 9 tarik uni u bnai.
Ka Chitrakar da iñ ko 15% heiwa da dooh ko leh ya ka kti tidiang yong ka wei da chem chitom ko wow riñ mynsien nei joor tdem heipor wa chah thang i yung.
Da chah sumaar ko ha Burn Hospital ha Kirtipur wei neini da phah ki Doctor wow kit noh ya ka cha New Delhi wow yoh ko i sumaar wa paka.
Ha i por wa jia ini, ki khubor wa mih na Nepal da ong wa da yap noh ka Ravi Laxmi Chitrakar tangwa hadien won da mih khubor wa da mynsoo joor ko.
Kam wow kdaw heini, u Khanal da man u kam u Prime Minister ka Nepal nadooh u Thohlakhmi hadooh u Naisaphra 2011.
Kamwa 72 ngut ki bru da yap ki wa kynthup ya le ngut ki pulit ha i yakhih ki ‘Gen Z’ wow dawa hiar ya ka sorkar u KP Sharma Oli.
Hadien ini ka Interim Prime Minister ka Nepal ka Sushila Karki da ong ko wa i chah pynsih wei chah tympra man i i kaam wymye u pdiang wei daw pynchitom ya kiwa emkti.
Discussion about this post