Da ka song poisa yoh ki skur wa ki dong ka chnong Jowai kiwa lehbha hei pynlang yei jhep

Kam chibynta ka Swachh Seva 2025 Campaign hapoh ka Swachh Bharat Mission 2.0, da pynman ya ka Exhibition hajrong ka phang ‘Best Out of Waste’ ha ka 26 tarik uni u bnai ha Chutwakhu Indoor Hall, Jowai da ka Jowai Municipal Board deiwa wan wow chimbynta da ki skur na kylleiñ ka chnong Jowai kiwa da pynyoo ya ki buit wa boon jait yeiwa emkaam wow pynlang yei jhep kamjooh wow leh Recycling. 

Ha kani ka yalang da wan wow embynta da u Wailadmiki Shylla, Montri ka chnat Health & Family Welfare uwa da pait da sylli leh ya ka Exhibition wei da yaklam u leh wa ki khynnah skur. 

U Wailadmiki hawa e yei klam da yaroh u ya ka DV Lyngdoh, CEO ka JMB wa ki bru ko wow pynkylla dur ya ka Municipal Board deiwa pynkynmoo wa ha u snem 2018 ka Municipal Board da maad ko ya iwa boon iwa eh hadooh wa hap wow sangeh yei lai pynlang jhep tangwa deiwa kreh chitom kiwa kreh wot heipor ka khlam COVID-19 leh da ye ki wow pteiñ yei lai pynlang jhep.

Da ong u leh wa i jhep man ko i kitkhlieh yong waroh kiwa chong chnong wei ki khynnah skur man ki kam kitæ ki wow yahkhmat yow wanrah yei khooid i jngiar.

Related posts

Kyrpaad ki Garo na Assam wow booh ya u mot sahnaam ya u Zubeen Garg ha Tura

September 27, 2025

La 15 ngut kiwa yap nei chah dait ksaw ha Meghalaya ha uni u snem

September 27, 2025

Ha kani ka sngi da saam leh ya ka song poisa wa ki Certificate heiwa ka H.K Singh Memorial Higher Secondary School, Jowai da yoh nyngkong ko deiwa yoh ka song poisa wa Rs.30,000, ka Khimusniang Presbyterian Secondary School, Jowai da yoh wa ar ko deiwa yoh ya ka song poisa wa Rs.20,000 katwa ka Government Girls Higher Secondary School, Jowai da yoh wa le deiwa yoh ya ka song poisa wa Rs.10,000 ha kani ka Exhibition.

Na ki skur won kiwa chimkhia yow pynman ya ka soodong sookun kawa khooid, ka St. Mary Mazzarello Girl’s Higher Secondary School, Jowai da yoh nyngkong ko deiwa yoh ya ka song poisa kawa Rs.70,000, ka North Liberty Higher Secondary School Jowai da yoh wa ar ko deiwa yoh Rs.50,000 katwa hei wa le da yoh ka Tpep Pale English School, Jowai deilang ka Khimusniang Presbyterian School, Jowai wa ka H.K. Singh Memorial School, Jowai kiwa da yoh mar Rs. 25,000.

Na ki dong won kiwa lebha wow pynlang yei jhep i jakhlia, ka Chiliangraij da yoh nyngkong ko deilang ka song poisa wa Rs.70,000, pynbood sa ka Tpep Pale kawa yoh wa ar kawa yoh leh ya ka song poisa wa Rs. 50,000 katwa ka Loomkyrwiang da yoh wa le ko chirup ka song poisa wa Rs.35,000.

Ha kani ka yalang neiliang u Montri sorkar da saam u leh ya ki Waste Bin cha waroh ki waheh chnong wa ki skur ka Jowai.