U Chief Minister ka Meghalaya, u Conrad Sangma ynne da pynksan u ya ka yurim ka sorkar wow pyrchah ya i tih Uranium wei wow yada yei hok ki paidbah hadien wa da mih ka Office Memorandum (OM) wow pyndam yei pynman Public Hearing lada emkaam wow tih ya ki mar pohkhyndaw wa man kam ki Atomic Minerals wa kynthup ya u Uranium wa em ha Meghalaya.
U Conrad da ong u wa da yieñ slem ka sorkar wym pdiang ko yei tih Uranium wei u yieñ ko wa ki paidbah ka jylla.
Da pyntip u wa ka sorkar da yoh ko ya ka Notification wei dang puræ bniah yeiwa em ha ka, wei man iwa khia bha i kaam wei emkaam bha wow puræ bniah deilang wa kiwa stat ya ka aiñ iwa ka sorkar da leh ko kattæ wei iyi wa chem daw ye u paan pynche na ka sorkar India wei lada emkaam daw lai yaklam wa ki chnat ka sorkar pyrdi yow pyntikna wa em i yada ya ki paidbah ka jylla.
U Conrad da kular u leh wa lada em ka aiñ næ ka Notification kawa man pyrchah ya ki paidbah daw chimkhia yeini waka sorkar pyrdi deiwa pynrap wa toh i kaamram ka sorkar wow yada ya ki paidbah wei mar ya dep puræ bniah ya ka daw lai cha Delhi wow leh yeiwa emkaam.
Discussion about this post