U Joint Secretary ka Tourism Department ka sorkar Meghalaya da pyntip u wa da e por deiwa pynyinsur ya ka tarik wa khaddooh wow pynpoi ya ka Application kiwa yaleh ya ka Chief Minister’s Meghalaya Hospitality Scholarship Scheme-2025 hadooh 5:00 waje i janmiet ka 10-10-25.
Kiwa kwah wow pyndap ya ka Form da ka Offline ye ki wow Download ya ka Form deiwa lai ha kani ka Link https://tinyurl.com/ihmscholarshipdocs wei ye ki leh wow lai chim ka na ka yung krehkaam ki BDO. Wei ya kani ka Form wa dadep pyndap deilang ki kot ki sla wa emkaam hap wow lai e cha ka yung krehkaam u BDO.
Ya kiwa kwah wow leh da ka Online ye ki wow lai ha uni u Link https://tinyurl.com/ihmscholarshipmegh yow pyndap ya ka Form wei wow Upload ya ki kot ki sla wa emkaam.
Kam wow pynkynmoo wa ka Chief Minister’s Meghalaya Hospitality Scholarship Scheme-2025 man ko neibynta ka 3 Year Bachelor of Science (B.Sc) Course yong ka Hospitality and Hotel Administration Course ha Institute of Hotel Management (IHM), Shillong neibynta u snem puræ 2025–2026.
Hapoh kani ka Scheme daw e 55 tylli ki Scholarship deiwa jied mar uwi næ kawi na kawi-pa-kawi ka Block wa em hapoh ka jylla. Kiwa yaleh ya kani ka Scheme emkaam wow pynsakhiat ki wa ki toh kiwa chong chnong wa pura ka jylla deiwa wanrah ya ka (Domicile Certificate) wei toh u man ki kiwa da pyndep ya ka Class XII (10+2) deiwa em ya ka English kam kawi na ki Subject.
Kani ka Scholarship toh kawa e yarap 100% heiwa ym emkaam u su ya ka Tuition Fee neibynta waroh 3 snem tangwa ya ka bai Hostel, i bai baam, i bai Uniform, bai Exam daw hap wow su da kiwa lai puræ.
Discussion about this post