Ka Meghalaya People United Front (MPUF) ynne ka 6 tarik da sdang ko sa ya kawi ka chnat krehkaam wa tip kam ka Laskieñ Unit, West Jaiñtia Hills District ka wow haap hapoh i pait ka MPUF Laskieñ Block Circle.
Ya ka yalang da pynlai da u General Secretary ka seiñbei, u Aimonbha Syad hei emlang u Vice President ka Laskeiñ Block, u P. Suiam, u General Secretary, u Peter Ram Sutnga wa u President ka seiñbei, u D. Wanmi Laloo uwa da chim wow yahkhmat wow e ki kyntien kular ya kiwa kitkaam ka chnat wa thymme.
Neiliang u D. Wanmi Laloo hawa e ki kyntien sneiñ kyntu da ong u wa emkaam wow kreh hok ya ki kaamram neibynta wow chakri wei wow yada ya ka jaitbru.
Kiwa kitkaam ka Laskeiñ Unit man ki kamni ha wah:
President – Nimainki Lyngdoh
Vice-President – Bormi Phawa
General Secretary – Heibormi Biam
Finance Secretary – Iaidshaphrang Synnah
Publicity Secretary – Firsterly Lyngdoh
U Nimainki da pynsñiaw u wa kam ka Unit daw pyrchang ko wow kreh chitom neibynta ka imlang sahlang wa i bha i miat ki paidbah wa chong chnong.
Discussion about this post