Uwi u khynnah wa dang 17 snem i rta uwa lai puræ Class-XI ha North Liberty Higher Secondary School Jowai da chem yei metyap u ha tre i yung wa dang chna iwa jrong soo mala iwa em ha Khliehrymphum, Ladthadlaboh mar hajan ka Gate wow psiah cha Jowai Polytechnic.
Da suba wa uni u khynnah da haap u na ka mala wa hajrong dooh kani ka yung heiwa ki pulit da chem ki ya ki tiar ki tar yong oo ha kani ka mala.
Katkam ka khubor wa da yoh, uni u khynnah toh uwa sah yung wai ha Memory Colony hajan ka Jowai Public School wei da mih u na yung hei miet ka 6 tarik wei hadien wa slem u wow wan da lai thooh uwa sahlang wa oo ha kani ka yung wai.
Yei metyap u wa em ha tre kani ka yung da chem heipor kamwa 3:00 waje ynne i step.
Yei daw wa jia ini ym pu tip wei ki pulit leh da wan ki wow pynman yei takit wei da kit ki yei metyap uni u khynnah.
Neiliang ki pulit da ong ki wa daw pyntip won ki chibet yeiwa da chem ki.
Discussion about this post