Ki khynroo wa yaleh kreh pulit ynne da lai toor ki cha ka yung krehkaam ka Central Recruitment Board yow paan pynche hajrong i pynslem ka Board wow pynmih ya ka Result ka Exam wa dadep thoh ki.
Hadien wa yoh ki u yachem wa u Chairman ka CRB, u Dalton Marak, IPS, da pyntip ki wa da sñiawhun ki yeiwa da yoh jubab na oo.
Da khana ki wa u Chairman da ong u wa i daw wa slem toh neiliang ka Company wa chimkti yow pait ya ki Marks kiwa yaleh Exam heiwa da ong u wa hapoh uni u bnai næ ha u bnai wow wan daw pynlait noh ya ka Result.
U Chairman da pyntip u wa nyngkong da mut wow pynmih ya ka Result ha u Naikhynde tangwa na ki daw wym ye u kiar kani ka Company ym ye ko wow pyndep yei kheiñ Marks heipor wa da booh.
U CRB Chairman da khana u wa da em kamwa 54,000 ngut kiwa da wan thoh Exam wei ini da man ko iwa chimpor wow pyndep yei kheiñ Marks neibhah kawi pa kawi ka OMR Sheet hap wow pait ka dei miat.
Discussion about this post