Yoh u Hek, u Kyrmen, u Comingone wa u Shakliar da ki chuki Chairman wa Adviser ka sorkar

Ki MLA kiwa dang dep chah pynhiar chuki Montri sorkar ini wa dep nadooh u AL Hek, u Kyrmen Shylla, u Shakliar Warjri wa u Comingone Ymbon, da chah thung won ki kam ki Chairman wa ki Adviser yong ki chnat sorkar waphær waphær.

Ya u Comingone Ymbon da thung kam u Adviser ka Home (Police) Department wei daw yoh u ki myntoi hapoh ka Category “A+”.

U Shakliar Warjri da thung ya oo kam u Chairman ka Board of Directors ka Meghalaya Transport Corporation wei u yoh u ki myntoi hapoh ka “A+” Category katkam ki kyndon ka Finance (AF) Department wa da pynmih hapoh ka O.M No.FEM.44/2003/Pt./155 Dated 20.09.2010.

U Alexander Laloo Hek won da thung ya oo kam u Chairman ka State Government Programme Implementation & Monitoring Committee (SGPI&MC) hapoh ka Category “A+”.

U Kyrmen Shylla da thung ya oo kam u Adviser ka sorkar Meghalaya hapoh ka Mining & Geology Department wei daw yoh u ki myntoi katkam ka Category “A+”.

Related posts

Ar ngut kiwa na Meghalaya wow mihkhmat ya ka India ha ka South Asian Karate Championship

July 16, 2026

Yap le ngut ki khynnah nei chah riñ ha u sainar bordiñ wa haap ha khyndaw | Ar ngut kiwa chi payu

July 15, 2026

Ka sorkar da pynbna ko leh wa ya u MLA ka Medipathar, u Marthon J Sangma da chimkti u kam Chairman ka Meghalaya Tourism Development Corporation Ltd. ka sorkar Meghalaya.

U MLA ka Umroi, u Damanbait Lamare won da thung ya oo kam u Chairman ka Meghalaya Urban Development Authority (MUDA) heithaw u Wailadmiki Shylla wei oo leh daw yoh u ki myntoi hapoh ka “A+” Category.