Ka Pnar Student Movement (PSM) da yoh biang ko u pynkha sa kawi ka chnat kawa tip kam ka Laskein Block Circle ha ka 7 tarik uni u bnai ha chnong Laskein heiwa da em 54 ngut kiwa da psiah kam ki dkhot.
Ha kani ka sngi da jied ya u O Paya Suchiang kam u President ka Laskein Block Circle, ya u Newyear Born Sumer kam u Secretary wa u Sonysan Wann kam u Finance Secretary.
Ha kani ka yalang da yoh leh ki kyntien sneiñ kyntien kroo na kiwa kitkaam yong ka Central Body wa kynthup na u Working President, u Kularskhem Sariang uwa da ong wa hawa man kam kiwa kreh mon sñiawbha emkaam u yatylli khnang yow u man kiwa jop ha iwon iwon i kaam wow yada ya ka jaitbru Pnar yong i.
Da yoh leh yei klam na ki ar ngut kiwa e buit ka seiñ kamjooh na u President ka Khliehriat Circle, u Beastly Dkhar wa na ka President ka Women’s Wing, ka Banika Laban wei hawa kut da yoh leh i pynsñiaw ya ki mat wa kongsan na u President Rangbah ka Central Body, u Embhah Passah iwa ka seiñ da dawa ko neibynta ka jaitbru wei da pynkut u leh deiwa pynsmai ya ki dkhot thymme ka PSM Laskein Block Circle.
Discussion about this post