Ka India wa ka China u sdang biang ki yei hær ki lieñsuiñ hapyrdi kini ki ar ri chwa wow kut uni u bnai iwa man leh kam ka dak wa kini ki ar ri da ye ki wow em i ya sñiawthooh hadien wa yachem u PM Modi wa u President Xi Jingping ha Tianjin ha ka 31 tarik u Naisaphra.
I hær ki lieñsuiñ na India cha China da pynsangeh nadooh i por ka khlam COVID-19 ha u snem 2020 wei neidaw wa mih leh i kajai pood ki ar ri ha thaaiñ Doklam.
U Ambassador ka China cha India, u Xu Feihong da ong wa ka India wa ka China u sdang biang ki wow hær ki lieñsuiñ chwa wow kut uni u bnai yow wai laad leh i yatohlok kini ki ar ri kiwa em hadooh 2.8 Billion ngut ki bru.
Da ong u leh wa ka China toh kawa da pynkhreh yow ya krehlang wa ka India yow man kiwa chilok chijor kam ki para jan ri wei wow yarap kylliang.
Ka China heipor wa wan u Foreign Minister ko, u Wang Yi cha India ha u Naisaphra da yaklam u yow pynsuk yei yaleh Visa ya kiwa uiñke suwari, kiwa khayi pateiñ kamjooh kiwa thoh khubor ki ar ri.
Hadien wa khang yei hær ki lieñsuiñ sak na India cha China, ki bru na India da hap ki wow hiar ha kiwi won ki ri yow hær won cha China.
Discussion about this post