Ki spah ngut kiwa wan cha ka Morning Mass ha St. Peter’s Basilica ka Vatican City ha ka sngi Thohdieñ da khyrngiat ki wow yoo ya uwi u bru uwa da ku wei jung ha ka Altar of Confession kawa man kawi na ki thaw wa kyntang ka Roman Catholic Church.
Ini da jia i heipor kamwa 9:00 waje i step hapoh ka Basilica heiwa uni u bru da ku u ya ki rana yow poi cha kani ka thaw wa kyntang kawa man leh ka thaw kawa u Pope wan u wow pynman Mass.
Uni u bru da pynhiar u ya ka patlun wei da jung u deiwa yoo lut kiwa emlang ha kani ka thaw.
Ki pulit kiwa em hajan da wan smat ki wow rah ya uni u bru uwa da lai khlem da yaleh pyrchah wei hadien da pynmih leh ya ka hukum wow pynmih oo napoh ka Vatican City.
Ini ymtoh i sien wa nyngkong wa jia kamni heiwa ha u February uni u snem da em leh u bru wa ku ya kani ka Altar heiwa da kynjet u leh ya ki thaw pynyieñ mombati (Candelabras) cha khyndaw.
Ha u June 2023 da em uwi won u bru uwa na Poland uwa da ku ya kani ka Altar chwa wow khang ya ka Basilica heiwa da looid sula yow pynyoo ki kyntien “Save children of Ukraine” wa thoh ha ryngkhi u.
Discussion about this post