Ka Diengshynrum SC da man ko ka liang wa nyngkong wa yoh u psiah cha ka Quarter Final ka Meghalaya Women’s State League 2025 deiwa tam ki ya kiwi hapoh ka Group C ynnin ka sngi.
Ka Diengshynrum toh kawa yalehke ka East Jaintia Hills District Football Association katwa ka Chirupheiwi Nongkynrih FC na ka Laskein Block Sports Association toh du ki kiwa em hapoh ka Group C iwa mut da yalehke ki mar ar sien heiwa ka Diengshynrum da jop ko ya ka yalehke wa nyngkong ha ka ar tarik uni u bnai da 2-0.
Ha ka yalehke wa ar wa pynman ynnin ka sngi, ka Charlinda Nongtdu (8’, 43’ 72’ 85’) da thap ko soo sien ya ka Diengshynrum ha ka yalehke wa da pynman ha Khliehriat, wei da yoh leh mar chi kool na ka Saphapaya Lyngdoh (12’), ka Deimonme Lyngdoh (26’) wa ka Hapily Lyngdoh (78’) yow jop da 7-0.
Ha ka Group A, ka Na Rympei FA da jop ko ya ka Lapalang SSCC da 14-0. Ka Pynhun Shulet da thap ko 7 sien (7’, 18’, 21’, 38’, 63’ 88’, 90’), ka Daai (19′), ka Remika (22′, 42′), ka Tracy Rympei (30′), ka Streamlet Taro (45′), ka Iawanlang Nongbet (54′) wa ka Wanmi Kharpan (60′) leh da yoh ki wow thap kool.
Ha ka Group B, ka yalehke hapyrdi ka Mawlum Tyrsad SC wa Mawten SC da kut ko da 0-0. Ka Bright Future SSCC won da jop ko ya ka Mawsawrit SC da 4-0 kiwa thap da ka Ricika Basawiawmoit (5’, 39’), ka B Thongni (50’) wa ka H Nongrum (88’).
Discussion about this post