Wiar sa kawi ka khynnah ha Shillong | Mih ki paidbah wow yarap thooh

Ynne i janmiet da em sa kawi ka khynnah kynthai kawa da wiar kawa sah ha kawi ka chnong kawa markhap wa ka Nongrah kawa haap hapoh ka Rynjah Police Station, Shillong.

Ini da jia dang du hadien ar sngi wa uwi u khynnah wa dang 7 snem i rta da wiar u na pchem yung wei hadien won da chem yei metyap u na thaaiñ Mawpat. Chwa ini kawi ka khynnah wa dang 4 snem da wiar ko wei da chem yei metyap ko ha ka sngi wa bood ha kawi ka thaw wa haap ha Nongrah, Shillong.

Kawa dang wiar kattæ toh kawa tip kam ka Bajanai Khyllep kawa em 14-15 snem i rta kawa da wiar heipor kamwa 6:00 waje i miet wei kiwa ha-yung ha-sem ym pu em chem ki ka wei da ya mih ki paidbah wow yarap thooh ya ka.

Kani ka khynnah da wiar ko heipor wa lai paikhana deiwa rah ya ka borti wei da chem du ka waje ko hakhmat Syntex ha kani ka thaw wei kani ka khynnah toh kawa chitom khairiñ.

U pa kani ka khynnah da ong u wa em bait ko ha kti ha kjat ka bei ko wei ym jooh lai ke ko samen khlem da emlang ka bei ko wei da em bait ko ha yung la ar snem neidaw wa em i chitom wei lada hap ieh ka samen da lai booh ka cha yung kiwa emyatoh ko.

Related posts

Cha Mawlai lai hiar ki pulit yow takit ya kawi heiyatoh wa iwa wiar ka khynnah na Umpling

October 12, 2025

Dawa ka Synjuk Waheh Chnong EJH na u Sniawbhalang wow pynku kyrdan ya ka Lad Rymbai Outpost cha ka Police Station, u pait yei ku bai bordiñ wa ki sarok wa sih hapoh ka Wapung C&RD Block

October 12, 2025

Yeini wa jia da pyntip leh cha ki pulit.

Ini wa jia da wanrah ko yei syier mynsien ki paidbah neidaw wa da jia ma jia kamni.