Ka Hamas ynne da pynlait ko ya 7 ngut ki nong Israel kiwa da kset ki kam chibynta i ya mynjur wow sangeh noh i yasiat hadien ar snem iwa da wanrah yei chah ktah wa joor ha ka Gaza Strip.
Ki chipai ka Israel leh da pyntikna ki wa kini ki bru da em ki ha kti ki tangwa ym em ong ki kammon man ki. Ka Hamas da ong ko wa daw pynlait ko ya 20 ngut kiwa da yoh kem ki kiwa dang im yow pynlait ka Israel ya ki 1,900 ngut ki Palestinian wa kset ka Israel.
Kiwa ha-yung ha-sem kiwa chah pynlait da kbai ka kyriaw ki dei kmen hawa pynyoo ha TV yei e kti ya kini ki 7 ngut cha ki Red Cross. Ki phaw hajar ngut won da yalang ki ha Tel Aviv yow pait yeini wa e kti ya kini kiwa da chah pynlait.
Ki Palestine kattu u yang ki sei pynlait ka Israel ya kiwa kset ko wei yeini i sangeh yaleh thma da ye wow wanrah da u President ka US, u Donald Trump uwa dapoi leh cha kani ka thaaiñ yow yaklam ya iwa toh u leh neini chakhmat.
Kattu daw wan leh ki wow e yarap ya kiwa sah ha Gaza kiwa da ki lak ngut kiwa da yoh biang u liwan hadien wa yut chnong nei joor ka thma.
Kani ka thma wa kattæ toh kawa sdang nadooh u Naichiphaw 2023 hadien wa hiar thma ka Hamas ya ka Israel heiwa da rahbor ki leh ya ki nong Israel najrong kiwa boon wa chah pynyap ki chynrang wa kynthai. Hadien wa jia ini ka Israel leh da e jubab ko deiwa joor.
Discussion about this post