Ki chi jur kiwa na Manipur kiwa da im da sahlang kam ki chi kurim ha kawi ka yung wai ha Munirka, South Delhi, da chem yei metyap ka kynthai kawa 35 snem i rta kawa tip kam ka Vincy Nengneithem Khongsai kawa man kam ka Kuki hei miet ka 12 tarik uni u bnai.
Katkam wa takit wa nyngkong da suba wa da chah pynyap ko ha u kurim ko uwa tip kam u Nongthongbam Pradeep Singh uwa man kam u Meitei.
Ki jan yung da ong ki wa kini ki chi jur toh kiwa khlan bha u yamai neipor cheipor wei hei miet ka 12 tarik da mih ka yamai wa joor bha heipor 9:30 hadooh 10:00 waje wei dapoi chei tba kti wei neiliang ki pulit da suba ki wa hadien wa pynyap u kurim ya ka kurim, da pyrchang u wow pynkut yei mynisen u.
Ki pulit da ong ki wa kani ka kynthai da em ko boon bha ki kha mynsoo iwa pynyoo wa joor bha i chah dat ko chwa u yap ko. U chynrang hadien wa leh u yeini da pyrchang u wow pynkut yei mynsien u tangwa da ye wow kit oo cha Safdarjung Hospital heiwa dang yoh u yei sumaar deiwa pait ki pulit.
Yeini waroh da chem da ka tre yung kawa da pyntip wut-wut cha ki pulit kiwa da wan smat yow chem ya u chynrang uwa dang im.
Katkam ka Aadhaar kani ka kynthai, ka toh kawa na Saikul, Kangpokpi District, Manipur.
Discussion about this post