Kam chibynta wow yarap yei pynlang jhep wei yow man ka soodong sookun kawa khooid yow yoh leh yei chait i khiah, neiliang u MLA ka Khliehriat, u Kyrmen Shylla ynne ka sngi da e kti u ya ka Truck kit jhep cha ka Ladrymbai Dongwah ha ka yalang wa da pynman ha Ladrymbai Dongwah Community Hall, East Jaiñtia Hills District.
Ya kani ka Truck kit jhep da pynyoh hapoh ka District Mineral Foundation (DMF) Scheme, East Jaiñtia Hills District yong u Financial Year 2025-2026.
Da ya emlang ha kani ka sngi wa u Deputy Commissioner ka District, u Shivansh Awasthi, u waheh chnong ka Ladrymbai Dongwah, u Deibor Suchiang, u Secretary chnong, u John Pala, kiwa chong chnong, ki khynnah skur wa kiwi de.
U MLA hawa e yei klam da pynsñiaw u yei hun wa kiwa yahkhmat chnong ka thaaiñ Ladrymbai da kreh chitom ki neibynta ka roi ka paar ka imlang sahlang wei da e u leh yei sñiawngooh ya u DC yei kreh chitom u wow pyndap yeiwa emkaam ka imlang sahlang lyngba ka DMF Scheme deiwa kyntu leh wow sdang sa i pynkhlaad yei jhep hapoh ka District.
Da kyntu u leh ya ka chnong wow sumaar ya kani ka Truck yow ye ko u e myntoi da kiwa boon ki snem.
U Kyrmen da wai u leh ya ka yung krehkaam ka Ladrymbai Dongwah deiwa yooluti wa kani daw yarap ko wow pyndap yeiwa emkaam kiwa chong chnong.
U Deputy Commissioner hawa e yei klam da ong u wa Ladrymbai kam kawi wa em ki yaaw ki haat toh kawa u ye u pynmih chiboon i jhep kamtæ da emkaam wow pynlang pynlum yei jhep wei da emkaam yei ya krehlang wa waroh kiwa chong chnong.
Da e buit u leh wow chim kam ka bai pynlang jhep na ki dukan dukdoh yow ye u pyndap pynbiang yeiwa emkaam u leh yow neh i khooid i jngiar.
Wa kani ka Truck, kattu da yoh 6 tylli ki Truck kit jhep hapoh ka DMF Scheme kiwa da lai saam cha ki chnong wa em hapoh ka Wapung wa Saipung C&RD Block ka East Jaintia Hills District.
Discussion about this post