U MDC ka War Central, u Jamshaphrang Pohtam hawa pynsñiaw yei wym yoh kiwa chong chnong ka Lapangap u ah kba, da beiñ u yei klam u Montri Rangbah ka jylla, u Conrad Sangma wow khang ye lai ah kba hadooh wow pynkrehkaam syndon da ka Curfew.
Da ong u wa u khoo u kba toh uwa pynim ya ki paidbah wei lada ktah yeini da ktah lut ko ya waroh wei kopsar ka sorkar da pyrkhat ko wa u kba toh uwa hoi wow ieh hi-eh kamtu lakam wa booh sut ya ka poisa hapoh Bank wei wow sai won hadien yow saam cha ki paidbah kamtæ da pynkrehkaam chwa da ka Curfew chi bnai ar bnai yow lai lum won ya u kba.
Da ong u wa ka sorkar jylla ong ko wa man ko ka sorkar kawa khlan kawa em 51 ngut ki MLA kiwa synchaar tangwa lada i khlan ki da rem i du ha ki jri sait sim yong kiwi ki bru hadooh wa kyrbeh katni katni wei lada kamni kani ka sorkar toh kawa khyllew, ka sorkar ksan rympei rem dorbar kawa khleiñ la thang wei jwat manda baam wei da man ko leh ka sorkar kawa Total Failure.
Neibhah ka sorkar toh kawa em ki bru wa biang wa stat wa proh jabieñ kamjooh ki bor pulit yow yada ya kiwa lai ah kba wei lada manda jia da ka Genocide kiyi wow bahkhlieh yeini.
Discussion about this post