Ka National People’s Party (NPP) ynne da pynyoo ko wa waroh ki MLA yong ka man ki kiwa yatylli deiwa emlang waroh ki MLA ko ha ka yalang wa pynman ha Shillong kawa da chongknor da u National President yong ka uwa man leh kam u Chief Minister, u Conrad K Sangma.
Da emlang leh nadooh u State NPP President uwa man leh u Deputy Chief Minister, u Prestone Tynsong, chirup u Deputy Chief Minister wa uwa man leh uwa yahkhmat ka Party, u Sniawbhalang Dhar wa waroh ki MLA yong ka kiwa da yachem ha yung u CM ha Shillong.
Yeini da leh hadien wa mih ki khubor kiwa da kam wa em i piah i pra hapoh ka Party heiwa da em leh kiwa da mut wow yut.
Neiliang u Conrad neipor cheipor da kyntait u yeini wa em ki MLA ka NPP kiwa da yaklam wa kiwi ki Party deiwa ban joor wa waroh toh kiwa yatylli wei ki khubor wa mih toh deiwa em kiwa mutdur donhi.
Neiliang u Prestone Tynsong leh da kyntait u yeiwa em i pyrchang ka BJP wow tympiah ya ka Party wei ka sorkar MDA daw pyndep ko ya waroh ki san snem.
U Sniawbhalang Dhar won da ong u wa ki 33 ngut ki MLA ka NPP toh kiwa man iwi donhi wei kiwa yatylli wei ym em leh kamwa da mih khubor wa em kiwa da mut wow lai psiah cha ka BJP.
Ha kani ka yachemlang da yaklam leh ya ki kaam wow pynkhlan chooh chooh ya ka NPP kamjooh ka sorkar MDA.
Da ini da yooluti wa daw pynkut noh waroh iwa mutdur wa em i piah i pra hapoh ka NPP.
Discussion about this post