Psiah Final ka Lelad wa ka Jarain ha ka 1st Division ka SBSA

Ka 1st Division ka Saipung Block Sports Associaton (SBSA) Football Tournament 2025 dapoi ko cha ka yalehke Semi Final ynne kiwa da pynman ar tylli.

Ka yalehke wa nyngkong da kut kut ko 0-0 hapyrdi ka Lelad SC wa ka Evanylla SC.

Kamtæ da pynman da ka yachut Tie-Breaker heiwa ka Lelad da jop ko da 3-1.

Ha ka yalehke wa ar, ka Jarain SC da jop ko da 1-0 ya ka Lumthari da ka kool wa thap u Jerison Kamar ha ka minit wa 8.

Kamtæ ka Jarain wa ka Lelad da yoh ki wow psiah Final.