Ka Hajan Shylla Memorial Trophy kawa man leh ka 1st Division ka Thadlaskein Sports Association (TSA) da pteiñ ka ynne da ar tylli ki yalehke.
Ha ka yalehke wa nyngkong, ka Lurshai Larnai da jop ko ya ka Moodymmai da 4-1.
Ya ka Lurshai Larnai da thap kool da u Kynmaw Synnah ha ka minit wa 7, u Enforce Kharsohnoh ha ka minit wa 16, u Mebanrap Shadap ha ka minit wa 31 wa u Evershine Nongrum ha ka minit wa 44 katwa ya ka Moodymmai da thap da u John Slong ha ka minit wa 49.
Ha ka yalehke wa ar, ka Khliehtyrshi da jop ko ya ka The A Team da 1-0 da ka kool wa thap u Khrawkupar Kharsyntiew ha ka minit wa 56.
Ki yalehke mynstep u pynman ar tylli:
Malngiang Vrs Namdong-B (12:30 PM)
Ummulong Vrs Friends United (2:30PM)
Discussion about this post