Ym em de iwon iwon i bynta ka Pakistan wym ye u BrahMos Missile u tne, ong u Rajnath Singh

Sa uwi u moomær ka India hei wow chna da ka hi ki tiar yaleh thma, ynne neiliang u Defence Minister, u Rajnath Singh deilang u CM ka Uttar Pradesh, u Yogi Adityanath da kaweh lama ki wow sai ya ka nyngkong dooh ka bhah ki BrahMos Missile wa da chna ha BrahMos Integration and Testing Facility wa em ha Lucknow. Wei kani ka thaw chna toh kawa da wai dang du san bnai donhi.

U Rajnath da ong u wa u BrahMos ym du kam u Missile tangwa i dak kti ka India wa pynyoo yei stat wow chna hi ya ki tiar wow yada ya ka ri. Da ong u wa uni toh u Supersonic Missile, uwa tne thij ya iwa siat u, uwa khlanbor wow tympra wei da man u kam u budloom ki chipai ka India.

Da ong u leh wa kattu ym em de iwon iwon i bynta wym ye u BrahMos u poi u tne ha Pakistan deiwa pynkynmoo ya ka Operation Sindoor heiwa ki Missile toh kiwa da leh chiboon iwa man du kam ka Trailer wei ka Pakistan kattu da tip ko iyi wow bood.

Kani ka thaw chna Missile toh kawa da chna hei lut wa ₹380 klur hei thaw wa heh 200 Acre ha Lucknow wei daw ye ko wow pynmih 100 tylli ki Missile System ha ka chi snem. Kamtæ u Rajnath da ong u wa kani ka karkhana man ko leh kam ka thaw wow e kreh ya ki bru. Wei ha u snem mang tangka wow wan kani ka thaw daw ye ko wow pynmih ₹3,000 klur wei ₹500 klur toh kam ka GST.

Related posts

Khut biang ka sorkar ya ka HNLC cha ka miej yaklam yasuk | Kyntu u Prestone ya ki khynroo wym toh u chah yahbakla

October 18, 2025

Cha ka manyung wa dooh ya ka bei nei chah thang ha u kurim lai e yarap ka NPP Women’s Front Jowai Block

October 18, 2025

Da khana u leh wa ka BrahMos Aerospace dadep soi Contract ko wow dai cha ki ar tylli ki ri wei kani ka Contract toh kawa chongdor ₹4,000 klur.

U CM ka UP da khana u wa deiwa pynmih kam kini ki karkhana da em hadooh 15,000 ngut ki khynroo wa da yoh kreh.