Ka Jaiñtia National Council (JNC) Western Zone ha ka 18 tarik uni u bnai da lai hiar ko cha Laskein Block wow pynkha ya ka chnat Laskein Circle ha ka yalang wa da pynman ha Laskein Community Hall, heiwa ya ka yalang da pynlai da u Publicity Secretary ka JNC-CEC, u Mebanteilang Sukhlaiñ, chirup wa i kyntien kyntu kynpham na u President ka JNC Western Zone, u Hamehi Bamon, u GS ka JNC CEC, u Wanshwa Suting, wei yei kaam pynksoh kular hapyrdi ki dkhot wa thymme wa ka seiñ da pyndep da u President wa khliehdooh ka seiñ, u Sambormi Lyngdoh.
U Sambormi da ong u wa kam heini i por i tynjooh wa khroo tam ya ka ri wa ka jaitbru lada i ym em i sakhiat katæ ka yurim wa skem, iyi myntoi ya i wow ong i wa i toh ka jaitbru wa da kyrkhu kyrpang da ki waheh wasian, khamtam ka ri joo snaam u Kiang Nangbah, u bru wa maya sakhiat ya ka ri lada i hun i wow mylliñ du kamtu donhi.
Da ong u leh wa katni ka um soo wa rben da sdang ko wow wan psiah chapoh ka ri yong i deiwa pyrchang ko u yahbakla chwa wot ya kitu ki bru wasian yong i ki wym poi pyrkhat wow kylla yutang ki wot ya ka ri yong ki, tangwa ka JNC neini chakhmat daw yaleh ko katwa ye wow khanglaad ya katai ka um soo wa mut wow tyllep ya ki bru yong i, wei ka JNC hi da lei lei ym e laad ko u wan biang kitæ ki Long Sutnga kam heipor u khlawait yong i.
Kiwa kitkaam ka JNC Laskein Circle man ki kamni:
President- Iamonmi Deiwi Suchiang
Vice President- Shaniah Chullet
General Secretary – Marbiangki Tariang
Assistant Secretary – Pyrkhatbha Lakiang
Finance Secretary- Dawanmi Suchiang
Publicity Secretary – Pyndap Suchiang
Sport Secretary – Chestar Sutnga
Education Secretary- Neiwi Son Lyngdoh
Environment Secretary – Karmel Lapasam
Da em leh 15 ngut kiwa man kam ki dkhot.
Discussion about this post