Ynne i janmiet da pynman ya ka yalang ha Border Out Post ka Assam wa em ha Khanduli wow pyrkhat heiyatoh wa i ah kba ha Pynthor Lapangap hadien wa chah pyndik kiwa chong chnong ka Lapangap ha ki jaitbru Karbi na chnong Tahpat wa kiwi ki chnong.
Ha kani ka yalang da em u ADC uwa man leh u Border Magistrate ka West Jaiñtia Hills, u G.H. Passah katwa neiliang ka West Karbi Anglong District da em u SP Sarma uwa man u DC ka District wa u R. Barua kam u SP ka District.
Ha kani ka yalang da emlang u Waheh Chnong ka Lapangap, u Deimonmi Lyngdoh, kiwa mihkhmat ki seiñbhalang na West Jaiñtia Hills kamjooh ka Synjuk Ki Waheh Chnong Ri Jaiñtia, katwa neiliang ka Karbi da em u waheh chnong ka Tahpat, ki Karbi Student Association wa kiwi.
Hadien i yaklam wa yillu da chim ya ka rai wow pteiñ yei ah kba ki Lapangap weiwa u yarap wow thooh wei e kti ya kiwa emkti wow tynyap ya u Oliver Timung uwa na Tahpat uwa da yap ha ka 9 tarik uni u bnai.
Da rai leh wow pynneh yei chongsuk hapoh kani ka thaaiñ kam ki spah snem nachwa wei wow e laad leh wow ah kba u wym ye de u yang wei wow pynslem neibhah ym ye wow khut ma khut wow pynman yalang khlem da e ye u chim kawon kawon ka rai wei deiwa pynmih ma pynmih ki kyndon thymme.
Chooh chooh da rai leh wa ym du wow ah kba tangwa u chah leh wow thung ya kiwi ki jhoor ki jhep khlem da em de i pynthut kamwa da jooh leh nadooh ki por yongrim.
Discussion about this post