Ki kyrtong wow yakun MLA da em ki hadooh 1,314 ngut kam chibynta ka First Phase ka Election cha ka Bihar Assembly ka wow man ha ka 6 tarik u November, wei ya ini da pyntikna da ka Election Commission (EC) ynnin i miet hadien wa kut i por wow randien ki kyrtong.
Ha ka First Phase em 121 tylli ki Constituency ha ki 18 District ka jylla da em palat 300 ngut ki kyrtong wa da chah kyntait wei 61 ngut kiwa da randien.
Katkam wa pyntip ka Commission, ha waroh kawi ka jylla hadien wa sylli (Scrutiny) ha ka 18 tarik dem 315 ngut wa chah kyntait na kiwa boon ki daw wei 61 ngut da randien noh ki kamtæ daw em du 1,314 ngut donhi ki kyrtong.
Ki Constituency kam ka Paliganj ha Patna District toh kawa boon dooh kiwa chah kyntait heiwa da em 15 na ki 29 ngut wa thap pyrtuid, bood won sa ka Hajipur ha Vaishali wa em 9 na ki 21 ngut wa chah kyntait neitæ won ka Jagdishpur (Bhojpur), Biharsharif (Nalanda) wa Barauli (Gopalganj) kiwa em mar 8 ngut wa chah kyntait.
Discussion about this post