Hadien wa yap uwi uwa tip kam u Aqil Akhtar (35 snem), da chah e FIR u pa u uwa jooh man kam DGP ka Punjab, u Mohammed Mustafa wa ka bei u kawa man ka Minister warim ka Punjab, ka Razia Sultana deilang ka khon ki kamjooh ka kurim u khon ki heiwa da chah pynbaad ki wa emkti ki wow pynyap ya u Aqil.
U Akhil da chem yeiwa wiar yong bru u ha ka 16 tarik uni u bnai ha yung wa sah u ha Panchkula, Haryana wei da kit ya oo cha Hospital tangwa da khlaad noh u heiwa kiwa ha-yung u da ong ki toh neidaw ka Drug Overdose wei ka takit ki pulit leh da ong ko wa ye u jia ini neidaw ki dawai wa dih u.
Tangwa hadien wa em ki Video wa riñ u Aqil pyn ya oo hi da poor ki deiwa kam u wa ka kurim u da ya thiah ya dem ko pyn wa u pa u wei kattæ da man u uwa da chitom bha i pyrkhat pyrdaiñ wei da tieñ u leh wa boi daw pynyap ki oo wei wot ka bei u leh deilang ka diah u toh kiwa da sooh buit yow pynkut yei mynsien u deiwa suba u leh wa ka kurim u tipmit ko ya u pa u chwa wow bia ki.
Da ong u leh ha ka sngi nyngkong wa bia ki ym em chah ko wow tba u ka wei ym em bia ko ya oo tangwa bia ko ya u pa u.
Ha kini ki Video da ong u wa ym em muaid drugs u wei dadep wan u na Rehab wei kattæ da khooid u deiwa pynbaad leh wa kset ki oo, ym ye u pyndep ya ka Bar Exam u wei daw pynbaad thok ki ya oo wa pynyap bru wei slaitbor u wei heini i klam u da ong u hadooh wym tip u wa lada ka khon u toh sakhiat ka yong oo.
U pa u Aqil hawa pynche da ong u wa u khon u toh uwa da man kam uwa dih drug la 18 snem wei da sdang u leh wow chitom i bor pyrkhat wei i Register ya ka FIR ym em mut wa emkti kamwa chah pynbaad tangwa ki pulit hap ki wow leh yei kaam hawa yoh ya ka ujor.
Da ong u wa u khon u da yap u hadien wa Inject u da i Buprenorphine wei la 18 snem nadooh u 2007 da lai phah sumaar ki oo yow lait u nei dih drugs deiwa li booh oo leh cha PGIMER Chandigarh tangwa kut wa mih sdang biang u wow dih drugs wei chisien da thang u wot yei yung ki.
Da pyntip u leh wa u Aqil da sdang u wow pynemkaam drugs nadooh wa chong Class-X u heipor wa lai skur u ha Welham Boys School, Dehradun wei da chah beh u na kiwa boon ki skur wa em ha Chandigarh. Nadooh u snem 2007 da pyrchang ki wow phah sumaar oo, wei neidaw wa yoh u sa ka Psychosis da sdang u wow mutdur kut jait.
“Da jooh pyndik u ka ka kurim u deilang ka bei u yow yoh poisa thied drugs, chisien da thang u yei yung. Da jooh booh ujor i ha ki pulit pyrchah ya oo boonsien tangwa hadien won pyndam i neidaw wa man u i doh i snaam i,” da ong u pa u Aqil.
Da ong u leh wa ka kurim u Aqil deilang ki ar ngut ki khon ki da chitom ki neini i dih drugs u pa ki hadooh wa u khon ki da yoh kjut diaw mynsien wei sñiawsih neidaw wa joor chah pynchitom ka bei ki ha u pa ki.
Chooh chooh da khana u wa u Aqil da dat u wot ya kiwa kreh kam ki Security hadooh wa ieh ki yei kreh, chisien da dat u ya ki pulit ha Chandigarh. Wei ini waroh toh wa dih u ya ki Psychotropic Drugs, hadien won dih u da kiwa rap tlot bor tangwa em won kiwa dai da ki ICE Drug wei hadien ini da sdang biang u wow dih ki drugs wa khlanbor wei manda Record Video u ym kynmoo u iyi wa ong u wa wei hadien won da pynche u chaphang ki Video wa pynmih u.
Kiwi de kiwa chah pynbaad ha u Aqil, ka Sultana wa ka Nishat leh da pynche ki deiwa ong wa em wa leh Politics ha ini i por wa ki dang dooh ki ya u payu para wei daw yaleh pyrchah ki ya kini ki bru.
Discussion about this post